Rugpjūtė 13 d., petnīčie, 19 ad. Skouda koltūras cėntre vīks 12 - lėkts humuora festivalės "JOUKĖIS". Čīstā naujas pruogramas ruodīs geriausė Lietovuos humuora kuolektīvā:  "Dzīvū Dzīvā" ėš Lazdijū, "Spanguolė" ėš Marcinkuoniū Varienas r., "Kanapa"  ėš Kudėrkas Naumiestė, Šakių r.. Dalīvaus sodegusė teatra artistė Apolionija Zizirskienė ėr poets Kajetonas Blūdas-Sereikiškis.
          Jouksitėis daugiau nei 2 ad., vo biliuota kaina - tėk 6 litā. Biliuotā pardoudamė koltūras cėntre. Tel. (8 440)  51 581.

      
      Rugpjūtė 14 d. maluonē kvėitam ī susiedūs ėsontē Latvėjės Respublika, ī Priekulie rengiamā dėdelē miesta švėntė "Ikars".
7.00 ad. - miesta pažadėnėms.
9.45 ad. - komandū regėstracėjė (pri fontana).
11.00 ad. - "Ikaro" skrīdis (pri fontana).
Švėntėnė eisena ī Priekulės pilėis buokštā.
Nu 12.00 ad. - vīks šaudīms so lonkās, kėrviū mietīms, valgiū degustavims ėr tt. (pri muokīklas).
13.00 ad. - Lėipuojės keliaujontė lėliū teatra "Maska" spektaklės vakams "Draugausēm" (sporta aikštelie pri pilėis buokšta).
14.30 ad. - Ineses Saul'ites geriausiū dainū koncerts (pri pilėis buokšta)
16.30 ad. - alaus gerėma varžības ėr karaoke "Jautrais prāts" (pri muokīklas).
18.00 ad. - Trialas (Ugale) pasiruodīmā (mašėnu stuoviejėma aikštelie pri sporta halės).
19.00 ad. - koncerts "To esi vasara". Dalīvaun N. Rutulis, I. Ulmanis, Dz. Čyča, Kaža ėr kėtė. Īėjėms 2 latā (pri pilėis buokšta).
21.00 ad. - Bugnū ėr dūdū mozėkas grupės "Auli" koncerts (pri pilėis buokšta).
22.00 ad. - Retro-disko karnavals "Saldė 70-80-tėijė" (apronga 70-80 - tūjū metū). Īėjėms 2 latā (pri pilėis buokšta).

    Gegožės 1 d. ketvėrta karta startava trėjū Baltėjės šaliū pruojekts „Didīsis žīgis pu Baltėjės šalis 2010“, kumet keliautuojē īr ragėnamė aplankītė 30 naujū ėr daugeleu da neatrastū turėzma traukuos objektū. 
    Šimēt „Didīsis žīgis pu Baltėjės šalis 2010“  tēsis beveik posė metū: nu gegožės 1 d. ėkė rugsiejė 30 d. Baltėjės šaliū žīgeivē kvėitamė keliautė siūluomās maršrotās ėr aplankītė rekomendoujamos turistėnius objektos – pu 10 kėikvėinuo šalie.
    Skoudėškē kvėitamė Skouda Koltūras ėr torėzma skīriou (Gedimėna g. 1, Skouds) pasiimtė brošiūrā, sosėpažintė so vėituomis, katrūs vīkst žaidėms. Sosėplanoukēt sava grupē tėnkamā keliuonės maršrotā ėr lėnksmā, turiningā praleiskēt atuostuogas.
    Daugiau ėnfuomacėjės  www.greatbaltic.eu .

     
     Informounam, ka Žēmės ūkė ministerėjė kvėit teiktė paraiškas pagal Lėitovuos kaima plietruos 2007-2013 metū pruogramas priemuonė „Kaima turėzma veikluos skatėnėms“.
      Remiamas veikluos srītis:
      1. Kaima turėzma skatėnėms, īskaitont amatū plietra kaima turėzma sodībuos. Pagal tou veikluos srīti skėrama paramuos soma īr 690 560 Lt ar 150 000 lt (pagal sopaprastėntas „Kaima turėzma veikluos skatėnėma” taisīklės).
      2. Stovīklavietiu kaima vėituovies ėkūrėms ėr plietra (ėšskīros mėška vėituovės). Pagal tou veikluos srīti skėrama paramuos soma īr 138 112 Lt ar 75 000 Lt (pagal sopaprastėntas „Kaima turėzma veikluos skatėnėma” taisīklės).
      Finansoujama ėkė 50% vėsū tinkamū finansuotė pruojekta išlaidū. Paraiškū teikėma pabaiga 2010-12-31 d.
      Daugiau infuormacėjės www.zum.lt

    Kaima torėzma sodībū, nakvīnės ėr pusrītiū, turistiniū stovīklū gaspaduorems prėmėnam, ka Skouda rajuona savivaldībės administracėjės Koltūras ėr torėzma skīriou Jūs galēt ėšsėimtė pažīmiejėmā teiktė   Kaima torėzma, nakvīnės ėr pusrītiū,ī torėstinės stovīklas paslaugas. Tep pat Jūs būsēt ožregėstruotė Torėzma paslaugū registre.

    Daugiau informacėjės...   

      Gerbemė mūsa poslapė lonkītuojē, informounam, kad tesdamė  žemaitėškoma tradicėjės, pakeitiem tinklālapė adresa ėr nu šiuolėi mumis pasėiksėt naršīklės adresa eilutie sorėnkė  www.skouds.lt. Senāsis  poslapė adresos www.skuodaswelcome.lt bus aktīvus ėkė šiū metū  rogsiejė mienesė, tep kad bus laika persiorentoutė ramē ėr be sumaištėis.

       
           Skouda rajuona savivaldībės administracėjės Kultūras ėr turėzma skīrius īgīvendėn
Skouda - žemaitėškiausia Lietovuos rajuona - koncepcėjė. Kultūras ėr  turizma skīriaus logotipe nauduojams tarmėšks Skouda pavadėnėms - Skouds. Vo interneta svetainie  www.skuodaswelcome.lt  īr šūkis - "Čia žemaitiškiausio Lietuvos miesto svetainė". Skouda rajuona savivaldībės tarība veinintelė Lietovuo sava darbā  reglamente īteisėn žemaitėškā tarme, katrou rukounas Tarības posiediu meto. Igīvendėnont žemaitėškiausia mietsa idieja, nourem sokortė Žemaitiū - lietuviū kalbū žuodīnā skuodiškiams ī mieta svetiams. Rašīket mums žemaitėškus žuodius ėr anū vertėmus ī lietuviū kalba.
            Lauksiam Jūsū žuodiu turizmas@skuodas.lt ėr svetainie www.skuodaswelcome.lt   skīrelie  Atgarsē.

        
          Torėzmos –  sektuorios, katras ne tėk apjung īvairės paslaugas ėr propesėjės, bet ėr īr sosėjės so daugelio ekonuomėnės veikluos sritiū. Torėzma sektuoriaus sodėtėngoms ėr tuo sektuoriaus dalīviū īvairuovė reikalau anū glaudaus bėndradarbiavėma planounont ėr īgīvendėnont so torėzmo sosėjosės strategėnės plietruos krīptės ėr priemuonės.
        Nuoriedamė ėšsiaiškėntė plietruos krīptės ėr priemuonės Skouda rajuona savėvaldībės admėnėstracėjės Koltūras ėr torėzma skīrius karto so VšĮ „Socialinės ėr ekuonuomėnės plietruos cėntros“ parengė Skouda rajuona torėzma plietruos galimībiū stodėjė.  Duokumėnta parsisiūstė gal  čia.